Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
9-02-2021, 06:19   Хэсэг: Мэдээлэл   Сэтгэгдэл: 0  

“ЭРҮҮГИЙН ХУУЛИЙН ХЭРЭГЛЭЭ-2021” СУРГАЛТ ЭХЭЛЛЭЭ

Шүүхийн ерөнхий зөвлөлөөс Улсын Дээд шүүхийн Эрүүгийн хэргийн танхим, Ханнс Зайделийн сангийн "Эрх зүйн боловсролын академи”-тай хамтран Эрүүгийн хэргийн шүүхийн шүүгчдэд зориулсан Эрүүгийн хууль тогтоомжийг нэг мөр хэрэглэн хэвшүүлэх, хэрэглээний нэгдмэл байдлыг хангах, эргэлзээтэй, тодорхой бус тайлбар шаардсан эрх зүйн хэм хэмжээг нэг мөр хэрэглэх, тайлбарлах зорилгоор "Эрүүгийн хуулийн хэрэглээ-2021” сургалтыг 2021 оны 02 дугаар сарын 09-ний өдөр цахим хэлбэрээр зохион байгуулж байна. Сургалтад тус шүүхийн шүүгч нар ирц бүрэн хамрагдаж байна.

http://www.kharkhorincourt.gov.mn/file2021/medee/02-09.jpg

Сургалтыг Олон улсын гэрээ болон Эрүүгийн хууль, Зөрчлийн тухай хууль, Эрүүгийн хэрэг хянан шийдвэрлэх тухай хууль, Захиргааны хэрэг хянан шийдвэрлэх тухай хуулийн хэрэглээ сэдвийн хүрээнд Улсын Дээд шүүхийн шүүгч Д.Эрдэнэбалсүрэн "Эрүүгийн хуульд оруулсан нэмэлт, өөрчлөлт: Гэмт хэргийн хөөн хэлэлцэх хугацаа, Үүрэг хүлээлгэх эрх хязгаарлах, хөрөнгө орлогыг хураах албадлагын арга хэмжээ, Гэм буруугаа хүлээн зөвшөөрсөн хүнд хүлээлгэх эрүүгийн хариуцлага” дэд сэдвүүдээр, Улсын Дээд шүүхийн Эрүүгийн хэргийн танхимын тэргүүн Б.Цогт, Монгол банкны Ерөнхийлөгчийн хуулийн зөвлөх Б.Гантуяа, Улсын Дээд шүүхийн шүүгч Ч.Хосбаяр нар "Мөнгө угаах гэмт хэрэг” сэдвээр, Улсын Дээд шүүхийн шүүгч Ч.Хосбаяр "Авлигын гэмт хэрэг” сэдвээр, Улсын Дээд шүүхийн шүүгч Б.Батцэрэн, Баянзүрх дүүргийн Эрүүгийн хэргийн анхан шатны шүүхийн Ерөнхий шүүгч Б.Одонтуул нар "Гэр бүл хүчирхийллийн гэмт хэрэг” сэдвээр, "Таслан сэргийлэх арга хэмжээ, хялбаршуулсан журам, нотлох баримт” дэд сэдвүүдээр, Улсын Дээд шүүхийн Эрүүгийн хэргийн танхимын тэргүүн Б.Цогт, Улсын Дээд шүүхийн шүүгч Б.Амарбаясгалан, Нийслэлийн Эрүүгийн хэргийн давж заалдах шатны шүүхийн Ерөнхий шүүгч Т.Өсөхбаяр, Дархан-Уул аймгийн Эрүүгийн хэргийн давж заалдах шатны шүүхийн Ерөнхий шүүгч Б.Манлайбаатар нар "Гэмт хэрэг, зөрчлийн ялгаа”, "Зөрчил хянан шийдвэрлэх ажиллагаа” дэд сэдвүүдээр, Улсын Дээд шүүхийн шүүгч Ч.Хосбаяр "Олон улсын гэрээ конвенцыг шүүхэд хэрэглэх” дэд сэдвээр тус тус мэдээлэл өгч, сургалтыг удирдан явуулж байна.

Сургалтын төгсгөлд Улсын Дээд шүүхийн Эрүүгийн хэргийн танхимын тэргүүн Б.Цогт, Улсын дээд шүүхийн шүүгч С.Батдэлгэр болон Эрүүгийн хэргийн танхимынхан хууль хэрэглээний тулгамдсан асуудлын талаар шүүгчидтэй хэлэлцүүлэг өрнүүлэх юм.


 

 

Шүүхийн тамгын газар

Нийтэлсэн admin   Үзсэн: 16   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

      Иргэн таньд
      Авлигын талаарх гомдол мэдээлэл өгөх
      Шүүхийн ёс зүйн хороо
      Бидэнтэй нэгдээрэй
        |  
      «    Хоёрдугаар сар 2021    »
      ДаМяЛхаПүБаБямНям
      1234567
      891011121314
      15161718192021
      22232425262728