Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
18-09-2017, 17:20   Хэсэг: Мэдээлэл   Сэтгэгдэл:  

Сумын багийн Засаг дарга нартай уулзалт зохион байгуулав

Өвөрхангай аймгийн Хархорин сум дахь Сум дундын шүүхийн Тамгын газраас "Шүүх ба олон нийт” хөтөлбөрийн хүрээнд 2017 оны 09 дүгээр сарын 14-ний өдөр Өвөрхангай аймгийн Хархорин сумын багийн Засаг дарга болон зохион байгуулагч нартай уулзалт зохион байгууллаа.

http://kharkhorincourt.gov.mn/file2017/58-1.JPG 

Уулзалтын үеэр Шүүгчийн туслах Ж.Мөнхтуяа "Шүүхийн шинэтгэл түүний үр дүн”, "Тус шүүхийн Тамгын газрын үйл ажиллагааны мэдээлэл”, Мэдээлэл лавлагааны мэргэжилтэн Ц.Хонгорзул "Цахим шүүх” болон "Иргэдийн төлөөлөгчийн эрх зүйн байдлын тухай хууль”, Эвлэрүүлэн зуучлагч Д.Цэдэн "Эвлэрүүлэн зуучлах ажиллагаа, түүний үр дагавар” сэдвээр тус тус мэдээлэл хийсэн бөгөөд мөн тус шүүхийн үйл ажиллагаа, бүтэц зохион байгуулалт, шүүхийн үйлчилгээний талаар танилцуулав.

 http://kharkhorincourt.gov.mn/file2017/58-2.JPG

Тус шүүхийн Тамгын газар нь багийн Засаг дарга нар болон зохион байгуулагч нартай хамтран тус багт оршин суух иргэд болон хөгжлийн бэрхшээлтэй иргэдэд шүүхэд мэдүүлэх эрхээр хангах, эрх зүйн сургалт сурталчилгаа явуулах, мөн шүүхийн иргэдийн төлөөлөгч сонгох, нөөцийн санг бүрдүүлэх асуудлаар харилцан санал солилцож, цаашид хамтран ажиллахаар боллоо.
Нийтэлсэн admin   Үзсэн: 529   |   Сэтгэгдэл:
Хэвлэх
Төсөөтэй мэдээлэл:
Шүүхийн шийдвэрийн цахим сан

      Иргэн таньд
      Авлигын талаарх гомдол мэдээлэл өгөх
      Шүүхийн ёс зүйн хороо
      Бидэнтэй нэгдээрэй
        |  
      «    Тавдугаар сар 2021    »
      ДаМяЛхаПүБаБямНям
       12
      3456789
      10111213141516
      17181920212223
      24252627282930
      31