Шүүхийн захиргааны ажилтнуудад зориулсан сургалт зохион байгууллаа » Өвөрхангай аймгийн Хархорин сум дахь Сум дундын шүүх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
18-11-2019, 03:41   Хэсэг: Мэдээлэл   Сэтгэгдэл: 0  

Шүүхийн захиргааны ажилтнуудад зориулсан сургалт зохион байгууллаа

Шүүхийн ерөнхий зөвлөл, Азийн сантай хамтран Шүүхийн захиргааны ажилтнуудад зориулсан сургалтыг 2019 оны 11 дүгээр сарын 15-ны өдөр зохион байгууллаа.

 

Сургалтыг Шүүхийн хүний нөөцийн удирдлага, бодлого зохицуулалтын газрын дарга Ш.Отгонцэцэг нээж хэлсэн үгэндээ "Шүүхийн хүний нөөцийн чадавхыг хөгжүүлэх нь шүүхийн бие даасан, шүүгчийн хараат бус байдлыг хангаж, хамгаалах гол баталгаа юм. Цаашид шүүхийн захиргааны мэргэшсэн ажилтныг бэлтгэхэд онцгой анхаарч, шинэлэг санал санаачилгуудыг эрэлхийлж ажиллахаа дурдав.

 

Сургалтын зорилго нь Шүүхийн үйлчилгээ, шүүхийн захиргааны ажилтны харилцаа, хандлага, ёс зүй, хариуцлага болон хэргийн оролцогч иргэд, олон нийттэй харилцах талаарх чадварыг нэмэгдүүлэх, чиг үүргээ үр нөлөө, бүтээмжтэй хэрэгжүүлэхэд шаардлагатай ахисан түвшний мэдлэг, ур чадвар олгоход чиглэлээ.

Шүүхийн захиргааны ажилтнуудад зориулсан сургалт зохион байгууллаа

 

Сургалтыг Монгол лектор төвийн лектор Б.Мөнхцэлмэг "Эерэг хандлага”, Шүүхийн хүний нөөцийн удирдлага, бодлого зохицуулалтын газрын ахлах референт Т.Наранбат "Ёс зүй, суртахуун, мораль”, Шүүхийн ёс зүйн хорооны ажлын албаны дарга Н.Ганбаатар "Шүүхийн захиргааны ажилтны ёс зүй”, Боловсролын хамтын ажиллагааны нийгэмлэгийн багш А.Даваа "Шударга ёс тэгш байдал”, Сэтгэл судлалын төвийн захирал Б.Ууганцэцэг "Ажлын байрны сэтгэл ханамж, Ажлын байрны стресс менежмент” сэдвээр дасгал ажил хийлгэж, харилцан ярилцуулж өвөрмөц хэлбэрээр сургалтыг удирдан явууллаа.

 

Түүнчлэн Азийн сангийн төлөөлөгч Баянмөнх "Шүүх эрх мэдлийн болон хууль сахиулах байгууллагын шударга байдлын судалгааны дүн”-г танилцуулж, "Шударга ёс, тэгш байдал”-ын талаар багийн дасгал ажил дээр ажиллуулав.

Шүүхийн захиргааны ажилтнуудад зориулсан сургалт зохион байгууллаа

 

Тус сургалтад Нийслэл дэх анхан болон давж заалдах шатны шүүхийн тамгын газрын, Дархан-Уул аймгийн Эрүү, Иргэний хэргийн давж заалдах шатны шүүхийн тамгын газрын, Дархан-Уул аймаг дахь шүүхийн тамгын газрын, Дорнод аймаг дахь шүүхийн тамгын газрын, Өмнөговь аймаг дахь шүүхийн тамгын газрын, Өмнөговь аймгийн Ханбогд сум дахь сум дундын шүүхийн тамгын газрын, Өвөрхангай аймаг дахь шүүхийн тамгын газрын, Өвөрхангай аймгийн Хархорин сум дахь сум дундын шүүхийн тамгын газрын, Сүхбаатар аймаг дахь шүүхийн тамгын газрын, Сэлэнгэ аймаг дахь шүүхийн тамгын газрын, Сэлэнгэ аймгийн Мандал сум дахь сум дундын шүүхийн тамгын газрын, Сэлэнгэ аймгийн Сайхан сум дахь сум дундын шүүхийн тамгын газрын, Ховд аймаг дахь шүүхийн тамгын газрын, Ховд аймгийн Булган сум дахь сум дундын шүүхийн тамгын газрын нийт 97 захиргааны ажилтнууд хамрагдлаа.


 

 

 

ШҮҮХИЙН ЕРӨНХИЙ ЗӨВЛӨЛИЙН АЖЛЫН АЛБА

Нийтэлсэн admin   Үзсэн: 20   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан


      Хандалт
      Бидэнтэй нэгдээрэй
      Санал асуулга
       

      Ярилцлага

      Шүүхийн үйлчилгээний талаарх таны үнэлгээ

      Сайн
      Дунд
      Муу

       
       
        |  
      «    Арванхоёрдугаар сар 2019    »
      ДаМяЛхаПүБаБямНям
       1
      2345678
      9101112131415
      16171819202122
      23242526272829
      3031