2018 оны 02 дугаар сарын 21-ний өдөр Өвөрхангай
аймгийн Хархорин сум дахь сум дундын Прокурорын газраас санаачлан зохион
байгуулсан тус суманд үйл ажиллагаа явуулж байгаа Өвөрхангай аймгийн Хархорин
сум дахь Сум дундын шүүх, Хархорин сум дахь Сум дундын Цагдаагийн хэлтэс, Хархорин
сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих
анги, тэдгээрийн алба хаагч, прокурор, шүүгч, мөрдөгч нарыг оролцуулсан "Шүүх
эрх мэдэл болон хууль, хяналтын байгууллагуудын нэгдсэн зөвлөгөөн,
хэлэлцүүлэг”-т оролцлоо.
Зөвлөгөөний үеэр Өвөрхангай аймгийн Хархорин сум дахь Сум
дундын шүүхийн Ерөнхий шүүгч Э.Дулмаа "Шүүн таслах үйл ажиллагааны талаар”, Хархорин
сум дахь сум дундын Прокурорын газрын Ерөнхий прокурор, хууль цаазын итгэмжит
зөвлөх Н.Батмөнх "Прокурорын хяналт, цаашид анхаарах асуудал”, Хархорин сум
дахь сум Сум дундын Цагдаагийн хэлтсийн мэдээлэл, судалгааны байцаагч, цагдаагийн
ахлагч И.Бадрахзул ”Эрүүгийн болон нийгмийн хэв журмын нөхцөл байдал”, эрүүгийн
ахлах мөрдөгч, цагдаагийн ахмад Х.Батпүрэв ”Малын хулгайн гэмт хэргийн талаар”,
Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих ангийн
ахлах шийдвэр гүйцэтгэгч, дэслэгч Б.Замбага ”Хорихоос өөр төрлийн ял,
албадлагын арга хэмжээг хэрэгжүүлэхэд төрийн байгууллагын хамтын ажиллагаа”
зэрэг сэдвүүдээр илтгэл, танилцуулга хийж, 2017 онд хийж гүйцэтгэсэн ажлаа
дүгнэж цэгнэсэн, 2018 онд хамтран ажиллах бодлого, зорилтоо тодорхойлсон, хууль
хэрэгжүүлэх явцад үүсч байгаа хүндрэл бэрхшээлийн талаар харилцан ярилцаж,
улмаар нэгдсэн ойлголт, шийдэлд хүрсэн чухал зөвлөгөөн боллоо.
Мөн зөвлөгөөний үеэр хамтран ажиллаж байгаа хууль, хяналтын байгууллагын алба хаагчдад Улсын Ерөнхий прокурорын газрын бодлого, зорилтыг танилцуулж, Прокурорын байгууллагын 2015-2017 онд хийж гүйцэтгэсэн ажлын тайлан бүхий ном, сэтгүүлийг гардуулан өглөө.
