Монгол Улсын 2021 оны Төсвийн тухай хуулийн Шүүхийн ерөнхий зөвлөлийн даргын төсвийн багцад тусгасан хөрөнгө оруулалтын төсөл, арга хэмжээний хүрээнд анхан болон давж заалдах шатны шүүхийн Тамгын газруудын тээврийн хэрэгслийн парк шинэчлэл хийх, компьютерийн техник хангамжийг сайжруулах ажлыг зохион байгуулж байна.
Энэ ажлын хүрээнд төсвийн хөрөнгө оруулалтаар шүүхийн үйлчилгээнд ашиглах 42 автомашин, 360 ширээний компьютерийг худалдан авч, анхан болон давж заалдах шатны шүүхийн Тамгын газруудад хуваарилсныг өнөөдөр /2021.08.04/ хүлээлгэн өгөв.
Шүүхэд автомашины парк шинэчлэл хийж, шүүгч ажилтнуудыг ажлын үндсэн хэрэглэгдэхүүн болох ширээний компьютерээр хангасан нь шүүн таслах ажиллагааг хэвийн, тасралтгүй явуулах нөхцөл бололцоог бүрдүүлэх чухал алхам боллоо.
Монгол Улсын шүүх 2013 оноос хойш хөрөнгө оруулалтын төсөвгүй ажилласан юм.
Шүүхийн хэвлэл мэдээллийн хэлтэс
