Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
30-06-2017, 14:32   Хэсэг: Мэдээлэл   Сэтгэгдэл:  

ӨВӨРХАНГАЙ АЙМГИЙН ХАРХОРИН СУМ ДАХЬ СУМ ДУНДЫН ШҮҮХИЙН ТАМГЫН ГАЗРААС ХИЙСЭН ШҮҮХ, ШҮҮГЧИЙН АЮУЛГҮЙ БАЙДЛЫГ ХАНГАХ НЬ” СЭДЭВТ ҮЗҮҮЛЭХ СУРГУУЛИЛТЫГ ЗОХИОН БАЙГУУЛЛАА

 

Хууль зүй, дотоод хэргийн сайд, Шүүхийн ерөнхий зөвлөлийн даргын 2016 оны 09 дүгээр  сарын 12-ны өдрийн А/113 дугаар хамтарсан тушаалаар баталсан "Шүүх, шүүгчийн аюулгүй байдлыг хангах журам”-ын гурав дахь  хэсгийн 2.2.7, 2.19 дахь заалтыг хэрэгжүүлэх зорилгоор Өвөрхангай аймгийн Хархорин сум дахь Сум дундын шүүхэд нийтийг хамарсан эмх замбараагүй байдал үүссэн үед шүүгч, шүүхийн ажилтнууд, прокурор, өмгөөлөгч бусад хэргийн оролцогч нарын амь нас, эрүүл мэнд, шүүхийн барилга байгууламжийн аюулгүй байдлыг хангах, Хархорин сум дахь Сум дундын Цагдаагийн хэлтэс болон бусад байгууллагуудын хамтын ажиллагаа болон алба хаагчдын албаны бэлэн байдлыг дээшлүүлэх зорилготойгоор "Шүүх, шүүгчийн аюулгүй байдлыг хангах нь” сэдэвт үзүүлэх сургуулилтыг 2017 оны 06 дугаар сарын 29-ний өдөр тус шүүхийн байранд зохион байгууллаа.

http://kharkhorincourt.gov.mn/file2017/51-1.JPG 

 

 

Дадлага сургалтыг дараах чиглэлүүдээр зохион байгуулав. Үүнд:

-Шүүхийн гадна орчинд эмх замбараагүй байдал үүссэн үед авах арга хэмжээний хүрээнд:

1. Шүүхийн байрны гадна шүүгдэгчийн ар гэрийнхэн болон найз нөхөд нь үймээн самуун үүсгэж, шүүхийн шийдвэрийг эсэргүүцэн, шүүхийн байр луу дайрч, шүүх, шүүгчийн аюулгүй байдалд аюул заналхийлсэн үйлдэл гаргасан ба улмаар шүүхийн байрны гадна үүссэн эмх замбараагүй байдал даамжирч шүүхийн аюулгүй байдлыг хамгаалж буй цагдаагийн алба хаагчдын ухуулга тайлбарт орохгүй шүүх рүү дайрч эхлэх үед тус сумын цагдаагийн хэлтсээс хүч нэмэгдүүлсэн алба хаагчид ирж шүүхийн байрны аюулгүй байдлыг хангаж, эмх замбараагүй байдал үүсгэсэн болон толгойлон оролцож буй этгээдүүдийг баривчлах, саатуулах, оролцогчдыг тараах ажиллагааг явууллаа.

 

http://kharkhorincourt.gov.mn/file2017/51-2.JPG

-Шүүх хуралдааны явцад хохирогч шүүх бүрэлдэхүүн болон шүүгдэгч рүү халдаж буй үед авах арга хэмжээний хүрээнд:

1. Шүүгдэгч Э-д холбогдох эрүүгийн хэргийн шүүх хуралдааны үеэр хохирогч С нь шүүгч, шүүх бүрэлдэхүүнийг шүүхийн шийдвэр, тогтоолыг уншиж сонсгох үед шүүхийн шийдвэрийг эсэргүүцэж шүүгч рүү усны саваа шидэж, үг хэлээр заналхийлэх үед хамгаалалтын цагдаа, офицер шүүгчийн аюулгүй байдлыг хангаж шүүх бүрэлдэхүүнд халдсан хохирогч С-ийг шүүх хуралдааны танхимаас албадан гаргалаа.

 

http://kharkhorincourt.gov.mn/file2017/51-3.JPG

2. Шүүгдэгч Э-д холбогдох эрүүгийн хэргийн шүүх хуралдаанд оролцож буй хохирогч С нь шүүгдэгч Э рүү халдаж шүүх хуралдааны дэг зөрчсөн, шүүх хуралдааны танхимд эмх замбараагүй байдал үүсгэсэн бөгөөд энэ үед хамгаалалтын цагдаа нар шаардлагатай арга хэмжээг авч, шүүгдэгчийн болон шүүх хуралдааны бусад оролцогчдын аюулгүй байдлыг хангаж, хохирогч С-ийг шүүх хуралдааны танхимаас албадан гаргалаа.

 

http://kharkhorincourt.gov.mn/file2017/51-4.JPG

Нийтэлсэн admin   Үзсэн: 770   |   Сэтгэгдэл:
Хэвлэх
Төсөөтэй мэдээлэл:
  |  
«    Арваннэгдүгээр сар 2022    »
ДаМяЛхаПүБаБямНям
 123456
78910111213
14151617181920
21222324252627
282930