Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
16-06-2017, 17:30   Хэсэг: Мэдээлэл   Сэтгэгдэл:  

Ёс зүйн соён гэгээрүүлэх үйл ажиллагааны хөтөлбөрөөс . . .

Өвөрхангай аймгийн Хархорин сум дахь Сум дундын шүүхийн Тамгын газрын дэргэдэх ёс зүйн хорооноос сургалт, соён гэгээрүүлэх ажлын төлөвлөгөө батлан ажиллаж байна. Төлөвлөгөөний дагуу албан хаагч нарын ёс зүйг дээшлүүлэх, найрсаг харилцааг бий болгох зорилгоор 2017 оны 06 дугаар сарын 16-ны өдөр ёс зүйн хорооны гишүүн, мэдээлэл технологийн мэргэжилтэн Н.Мөнхнасан "Албан хаагчийн ёс зүй” сэдвээр сургалт зохион байгууллаа.

http://kharkhorincourt.gov.mn/file2017/49-1.jpg

Сургалтаар Төрийн албан хаагчийн ёс зүйн дүрэм, Шүүхийн ажилтны ёс зүйн дүрэм, Шүүхийн захиргааны ажилтны ажлын байранд дагаж мөрдөх харилцаа хандлагын нийтлэг журам, тус шүүхийн Тамгын газрын даргын 2017 оны 05 дугаар сарын 19-ний өдрийн 43 дугаартай тушаалаар батлагдсан "Үйлчилгээний стандарт” сэдвүүдээр харилцан ярилцлаа.

Сургалтанд хамрагдсан албан хаагч нар өдөр тутмын үйл ажиллагаандаа ёс зүйн дүрэм, журмуудыг мөрдөж ажилладаг ч анхаарах зарим нэг асуудлууд байгаа бөгөөд дүрэм журмуудыг сайтар судлан харилцан ярилцаж, бие биенээсээ суралцсан үр дүнтэй сургалт болов.

Өнгө үзэмжээ сайжруулсан шүүхийн захиргааны албан хаагч нар ч хувцаслалт, харилцаандаа анхаарч, шүүх бүрэн үйлчилгээний байгууллага байх ёстой талаар сургалтын үеэр дурдсан юм.

Сургалтанд хамрагдсан албан хаагчдын ирцийг бүртгэж, соёлтой, найрсаг харилцаатай байхыг уриалсан юм.

Ёс зүйн хорооноос сургалт, соён гэгээрүүлэх ажлын төлөвлөгөөний дагуу 2017 оны 06 дугаар сарын 19-ний өдөр тус шүүхийн Тамгын газрын албан хаагч нарын дунд "Алтан хонх” тэмцээнийг зохион байгуулахаар боллоо.

 


Нийтэлсэн admin   Үзсэн: 706   |   Сэтгэгдэл:
Хэвлэх
Төсөөтэй мэдээлэл:
Шүүхийн шийдвэрийн цахим сан

      Иргэн таньд
      Авлигын талаарх гомдол мэдээлэл өгөх
      Шүүхийн ёс зүйн хороо
      Бидэнтэй нэгдээрэй
        |  
      «    Нэгдүгээр сар 2022    »
      ДаМяЛхаПүБаБямНям
       12
      3456789
      10111213141516
      17181920212223
      24252627282930
      31