Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
15-11-2022, 07:21   Хэсэг: Мэдээлэл   Сэтгэгдэл: 0  

ШҮҮХ НҮҮДЭЛЛЭН АЖИЛЛАЛАА

Шүүх байгууллагын нээлттэй, ил тод байдлыг хангах, шүүн таслах ажиллагааг иргэдэд ойртуулах зорилгоор шүүгч Г.Энх-Амгалан, тамгын газрын дарга Д.Долгормаа, шүүгчийн туслах Д.Бат-Отгон, шүүх хуралдааны нарийн бичгийн дарга А.Батцог, эвлэрлүүлэн зуучлагч Д.Цэдэн, жолооч Д.Жаргалсайхан нарын бүрэлдэхүүн 2022 оны 11 дүгээр сарын 10, 11-ний өдрүүдэд Өвөрхангай аймгийн Өлзийт, Баян-Өндөр, Есөнзүйл сумдуудад нүүдэллэн ажиллалаа.

 

 

Энэ хугацаанд иргэний ажилласан жил тогтоолгох, малын А дансны нэр залруулах тухай 6 нэхэмжлэл хүлээн авч, тэдгээр иргэний хэрэгт гэрч асуух болон бусад ажиллагааг хийж 3 хэргийг хянан шийдвэрлэлээ.

 

ЕБС-ийн дунд ахлах ангийн 200 гаруй сурагчдад хүүхэд оролцсон гэмт хэргийн түгээмэл тохиолдлуудаас урьдчилан сэргийлэх, хүлээх хариуцлагын талаар мэдээлэл өгч, 50 гаруй иргэнд шүүхэд нэхэмжлэл гаргахад шаардагдах баримт материал, шүүхэд мэдүүлэх эрх, эвлэрүүлэн зуучлах ажиллагааны талаар зөвлөгөө өгч, гарын авлага хүргэлээ.

 

ШҮҮХИЙН ТАМГЫН ГАЗАР


Нийтэлсэн admin   Үзсэн: 98   |   Сэтгэгдэл: 0
Хэвлэх
Төсөөтэй мэдээлэл:
  |  
«    Арванхоёрдугаар сар 2022    »
ДаМяЛхаПүБаБямНям
 1234
567891011
12131415161718
19202122232425
262728293031