Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
29-03-2022, 16:30   Хэсэг: Мэдээлэл   Сэтгэгдэл: 0  

“НЭЭЛТТЭЙ ШҮҮХ” АРГА ХЭМЖЭЭ ЗОХИОН БАЙГУУЛЛАА

Шүүн таслах ажиллагааг иргэдэд ойртуулах болон эвлэрүүлэн зуучлах ажиллагааг таниулан сурталчлах, иргэдийн хэрэг маргаанаа эвлэрүүлэн зуучлалын ажиллагаагаар шийдвэрлүүлэх хандлагыг нэмэгдүүлэх зорилгоор 2022 оны 03 дугаар сарын 28-ны өдөр шүүгч Э.Дулмаа, шүүгчийн туслах Б.Хулангоо, мэдээлэл лавлагааны мэргэжилтэн Ж.Мөнхтуяа, эвлэрүүлэн зуучлагч Д.Цэдэн, жолооч Д.Жаргалсайхан нар Бат-Өлзий суманд "Нээлттэй шүүх” арга хэмжээ зохион байгууллаа.

 

Ажиллах хугацаандаа 8 нэхэмжлэлийг хүлээн авч, 4 иргэний хэрэгт гэрч асуух болон бусад ажиллагааг хийн хэргийг хянан шийдвэрлэж, 50 гаруй иргэдэд шүүхэд нэхэмжлэл гаргахад шаардагдах баримт материалын талаарх мэдээллийг өгч ажиллаа.

 

Мөн тус сумын 6 шүүхийн иргэдийн төлөөлөгч нарт ганцаарчилсан болон хамтарсан сургалтыг зохион байгуулж, Засаг даргын тамгын газарт байрлах "Шүүхийн мэдээллийн самбарт” иргэдэд зориулсан мэдээллийг шинэчиллээ.
 
ШҮҮХИЙН ТАМГЫН ГАЗАР 
Нийтэлсэн admin   Үзсэн: 225   |   Сэтгэгдэл: 0
Хэвлэх
Төсөөтэй мэдээлэл:
Иргэн таньд
Авлигын талаарх гомдол мэдээлэл өгөх
Шүүхийн ёс зүйн хороо
Бидэнтэй нэгдээрэй
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031