Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
30-11-2021, 10:11   Хэсэг: Мэдээлэл   Сэтгэгдэл: 0  

ШҮҮХИЙН БАЙРАНД МЭДЭЭЛЭЛ ТҮГЭЭХ ЖУРМЫН ХЭРЭГЖИЛТИЙН ТУХАЙ ТАЙЛАН

     Өвөрхангай аймгийн Хархорин сум дахь Сум дундын шүүхийн тамгын газраас Шүүхийн Ерөнхий зөвлөлийн гүйцэтгэх нарийн бичгийн даргын 2017 оны А/47 дугаар тушаалаар баталсан "Шүүхийн байранд мэдээлэл түгээх журам”-ын дагуу шүүхийн ил тод нээлттэй байдлыг хангах, шүүхийн байранд олон нийтэд мэдээлэл түгээх зорилгоор дараах ажлуудыг хийж гүйцэтгэн ажиллаж байна. Үүнд:

     1.Өвөрхангай аймгийн Хархорин сум дахь Сум дундын шүүхийн харьяалан ажилладаг сумдуудад /Хужирт, Бат-Өлзий, Баян-Өндөр, Бүрд, Өлзийт, Есөнзүйл, Хархорин/ мэдээллийн самбар байршуулсан бөгөөд энэхүү самбаруудын мэдээллийг сар тутам шинэчлэн ажиллаж байна.

 

     2.Шүүхийн байранд дахь "Шүүхийн болон эвлэрүүлэн зуучлах ажиллагааны мэдээллийн самбар”-т мэдээллийг сар бүр шинэчлэн, мөн тухайн нөхцөл байдлаас хамааран гарч буй эрх зүйн акт болон бусад мэдээллийг энэхүү самбарт байршуулан олон нийтэд түгээх,

 

     3.Дээрх журмын хэрэгжилтийг хангах үүднээс "Шүүхийн үйлчилгээний төв” танхимд байрлах 2 дэлгэцээр хаалттайгаас бусад шүүх хуралдааныг иргэдэд дамжуулах,

 

     4.Цахим шүүх хуралдаанд шүүхийн байранд ирж оролцож буй иргэдийг шүүх хуралдаанд оролцуулах, мөн Шүүхийн ерөнхий зөвлөлөөс ирүүлсэн цуврал болон бусад 182 төрлийн шторкуудыг өдөрт 2 удаагийн давтамжтайгаар иргэдэд хүргэх,

 

 

 

     5.Мөн "Шүүхийн үйлчилгээний төв”-д "Шүүхэд мэдүүлэх эрх”, тус шүүхээс улирал болгон гаргадаг "Шүүхийн мэдээлэл” сэтгүүл, өсвөр насны хүүхдүүдэд зориулсан "Эрүүгийн хариуцлага” 11 төрлийн гарын авлага, тараах материалыг иргэдэд тогтмол тарааж, иргэд "Ухаалаг дэлгэц”-ээс шүүхүүдийн хаяг байршил, холбогдох дугаар, шүүх хуралдааны зар, нэхэмжлэлийн загвар зэрэг мэдээллүүдийг авах, шүүгч ажилтнуудын харилцаа хандлагын талаарх санал асуулгад оролцох, Монгол улсын шүүхийн цахим сан буюу shuukh.mn сайтруу нэвтрэн орж өөрт шаардлагатай мэдээлэл авах боломжоор тус тус ханган ажиллаж байна.

 

 

 

ӨВӨРХАНГАЙ АЙМГИЙН ХАРХОРИН СУМ ДАХЬ СУМ ДУНДЫН ШҮҮХИЙН

ТАМГЫН ГАЗАР
Нийтэлсэн admin   Үзсэн: 124   |   Сэтгэгдэл: 0
Хэвлэх
Төсөөтэй мэдээлэл:
Иргэн таньд
Авлигын талаарх гомдол мэдээлэл өгөх
Шүүхийн ёс зүйн хороо
Бидэнтэй нэгдээрэй
  |  
«    Тавдугаар сар 2022    »
ДаМяЛхаПүБаБямНям
 1
2345678
9101112131415
16171819202122
23242526272829
3031