Шүүгчдийн салбар хорооноос санаачлан “Монгол бахархалын өдөр”-ийг зохион байгууллаа
25-11-2019, 09:06. Зохиогч: admin
Өвөрхангай аймгийн Хархорин сум дахь шүүгчдийн салбар хорооноос санаачлан "Монгол бахархалын өдөр”-ийг тэмдэглэн өнгөрүүлэх, хамт олонч уур амьсгал бүрдүүлэх, үндэсний өв соёлоо дээдлэн хамгаалах, хөгжүүлэх зорилгоор шүүхийн шүүгч, албан хаагч нарын дунд "Дээлтэй Монгол” өдөрлөгийг 2019 оны 11 дүгээр сарын 22-ны өдөр зохион байгууллаа.
Тус өдөрлөгийн үеэр үндэсний уламжлалт наадгай болох шагай шүүрэх, морь уралдах зэрэг тэмцээнүүдийг зохион байгуулсан бөгөөд шагай шүүрэх тэмцээнд шүүх хуралдааны нарийн бичгийн дарга А.Батцог, морь уралдах тэмцээнд галч Д.Гомбожав тэргүүллээ. Мөн Монгол бахархалын өдөртэй холбогдуулан асуултын тэмцээн явуулахад шүүгчийн туслах Б.Хулангоо шалгарсан юм. Тэргүүлсэн албан хаагчдад арвижахын бэлгэдэл болгон модон авдар бэлэглэсэн.
Өдөрлөгт шүүгч, шүүхийн захиргааны албан хаагч нар идэвхтэй хамрагдаж үндэсний дээл хувцасыг иж бүрэн өмсөж оролцлоо.
Өвөрхангай аймгийн Хархорин сум дахь Шүүгчдийн салбар хороо
Бусад