Өвөрхангай аймгийн Хархорин сум дах Сум дундын шүүхийн 2019 онд хийх сургалтын төлөвлөгөөнд тусгагдсаны дагуу тус шүүхийн Шүүх хуралдааны нарийн бичгийн дарга Н.Ням тус шүүхийн шүүгч, шүүхийн захиргааны ажилтнуудын дунд 2019 оны 03 дугаар сарын 15-ны өдөр "Мэтгэлцээн гэж юу вэ? Мэтгэлцээний тухай ойлголт” сэдвээр сургалт зохион байгууллаа.
Сургалтаар мэтгэлцээн гэж юу вэ?, мэтгэлцээн нь ямар ямар төрөлтэй байдаг вэ?, хуульч нарт мэтгэлцээнд суралцах нь ямар үр нөлөөтэй байдаг талаар мэдээлэл өгөв. Мөн мэтгэлцээнээр хичээлсэнээр хувь хүнд хэрхэн нөлөөлдөг талаар ярилцаж, сургалтанд суусан хүмүүсийн сонирхсон асуултанд хариулт өгөв. Сургалтанд тус шүүхийн шүүгч, шүүхийн захиргааны ажилтнууд идэвхитэй хамрагдлаа.
