Шүүхэд баярлалаа » Өвөрхангай аймгийн Хархорин сум дахь Сум дундын шүүх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
2-04-2018, 17:14   Хэсэг: Мэдээлэл   Сэтгэгдэл: 0  

Шүүхэд баярлалаа

Г.Түмэн-Өлзий: Анхан шатны шүүх хурлын шийдвэрийг сонсохдоо л шүүгч таны мэргэжлийн ур чадварыг үнэлж, мэдэрсэн.

 

http://kharkhorincourt.gov.mn/file2018/medee/shuuhedbayarlalaa01.jpgХархорин сумын иргэн Г.Түмэн-Өлзий шүүхэд баярласан сэтгэгдлээ илэрхийллээ.

 

 

Тэрбээр "Өвөрхангай аймгийн Хархорин сум дахь Сум дундын шүүхийн Ерөнхий шүүгч Э.Дулмаа таны амрыг эрж, энэ өдрийн мэндийг хүргэе. Миний бие 2013-2017 оны хугацаанд шүүхээр хохирсон асуудлаа шийдвэрлүүлэхээр яваад 5 жил гаруйн хугацааг туулахдаа шүүгчдийн алдаанаас болж иргэн хүн санхүү, сэтгэл санааны хохирол нэмж амсдагийг биеэрээ мэдэрсэн. Анхан шатны хурлаар 3 удаа, давж заалдах шатны хурлаар 3 удаа орж, саяхан дээд шүүхийн хяналтын шатаар хэргээ шийдвэрлүүлсэн. Анхан шатны шүүх хэргийг бүхэлд нь хэрэгсэхгүй болгож шийдвэрлэсэн шийдвэрийг Өвөрхангай аймгийн давж заалдах шатны магадлалаар хэргийг дахин шийдвэрлүүлэхээр буцаахад Э.Дулмаа гэдэг шүүгч шинээр томилогдож ирсэн байсан ба хэргийг хүлээн авч дахин шийдвэрлэсэн. Давж заалдах шат, дээд шүүхийн хяналтын журмаар хэргийг эцэслэн шийдвэрлэхдээ шүүгч таны шийдвэрлэсэн анхан шатны хурлын шийдвэрийг хэвээр үлдээж, хуулийг буруу хэрэглээгүй, үнэн зөв шийдвэрлэсэн гэсэн тогтоолыг сонсоод шүүгч танд талархсан сэтгэлээ илэрхийлэхээр энэхүү захидлыг бичиж сууна. Анхан шатны хурлын шийдвэрийг сонсохдоо л би таны мэргэжлийн ур чадварыг үнэлж, мэдэрсэн юм. Та бол олон мянган иргэдийн ирээдүйн амьдралд итгэл өгч чадах шударга, ур чадвартай шүүгч шүү. Монголд ийм л шүүгч олон олноор төрөн гараасай гэж чин сэтгэлээсээ хүсч байна. Ингээд таны амьдралд хамгийн сайн сайхан, ажилд нь өндөр амжилтыг хүсэн ерөөж, шүүгчдээ дахин баярласан гэдгээ хэлмээр байна.

 

Мөн Давж заалдах шатны шүүхийн шүүгч Д.Эрдэнэбилэг, П.Долгормаа, Л.Нямдорж, Дээд шүүхийн шүүгчид Х.Сонинбаяр, Ц.Амарсайхан, Г.Алтанчимэг, П.Золзаяа, Д.Цолмон нарын бүрэлдэхүүнтэй шүүгчдэд талархсанаа илэрхийлж, ажлын өндөр амжилт хүсье. Хуулиа дээдэлсэн, иргэнээ хүндэтгэсэн, мэргэжлийн ур чадвартай, шударга шүүгчид олноор нэмэгдэн гарах болтугай гэж чин сэтгэлээсээ хүсч байна. Та бүхний ажилд өндөр амжилт хүсье” гэсэн юм.

 

Өвөрхангай аймгийн Хархорин сум дахь Сум дундын шүүхийн Тамгын газар

Нийтэлсэн admin   Үзсэн: 60   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

      Хандалт
      Бидэнтэй нэгдээрэй
      Санал асуулга
       

      Ярилцлага

      Шүүхийн үйлчилгээний талаарх таны үнэлгээ

      Сайн
      Дунд
      Муу

       
       
        |  
      «    Тавдугаар сар 2018    »
      ДаМяЛхаПүБаБямНям
       123456
      78910111213
      14151617181920
      21222324252627
      28293031