Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
22-06-2020, 09:54   Хэсэг: Мэдээлэл   Сэтгэгдэл: 0  

Иргэдийн төлөөлөгчийн ганцаарчилсан сургалт зохион байгууллаа

  http://www.kharkhorincourt.gov.mn/file2020/medee/06-22.jpg

2020 оны 06 дугаар сарын 22-ны өдөр мэдээлэл лавлагааны мэргэжилтэн Ж.Мөнхтуяа тус шүүхийн 2020 оны иргэдийн төлөөлөгчөөр сонгогдсон иргэдийн төлөөлөгчдөөс Цогтоог сонгон ганцаарчилсан сургалтыг "Шүүхийн иргэдийн төлөөлөгчийн эрх зүйн байдлын тухай хууль”, "Хэрэг хянан шийдвэрлэх ажиллагаанд оролцох иргэдийн төлөөлөгчийн оролцоо”, нөлөөллийн мэдүүлгийг хэрхэн хөтлөх, иргэдийн төлөөлөгчийг сонгон шалгаруулах, тангараг өргөх, хөлс олгох журам зэрэг сэдвээр хийлээ.

Мөн хэрэг хянан шийдвэрлэх ажиллагаанд оролцох иргэдийн төлөөлөгчийн оролцоо, иргэдийн төлөөлөгч нар дүгнэлт гаргахдаа анхаарвал зохих асуудлын талаар тайлбарлаж иргэдийн төлөөлөгч нартай харилцан ярилцлаа.

Түүнчлэн тангараг өргөх журмыг тайлбарлан үзүүлж, гарын авлага, ил захидал өгч, шүүхийн шинэчлэл нь иргэдийн төлөөлөгчөөр сонгогдсон иргэний оролцоо, идэвхээс их шалтгаалах тул сонгогдсон шүүх хуралдаандаа идэвхтэй, хариуцлагатай оролцохыг хүслээ.


Нийтэлсэн admin   Үзсэн: 43   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

      Иргэн таньд